Agyanka mmɔborɔ

Da bi, ɛna ne agya bi teɛ ɛna wɔwoo mma mmienu. Ataa panin ne Ataa kumaa. Da bi, Agya ne Ɛna wuiɛ. Na Ɛna no maa Ataa panin sika kɔkɔɔ ne amɛnkyim. Ɛberɛ bi, Ataa Panin na ɔfaa sika kɔkɔɔ guu Ataa Kumaa kɔn mu. Na afahyɛ baa so wɔ kurom. Wɔkɔɔ nsuo hɔ no na sika kɔkɔɔ ne amɛnkyim kɔtee wɔ nsuo ase. Ɔbisaa ne nnamfo sɛ wɔtumi boa no ahwehwɛ, nanso ade saeɛ na wɔsee, ɛhia sɛ wɔkɔ fie. Enti ɔrekɔ no na ɔresu. Ataa Panin nhunu sɛ waba fie ɛna ɔresu saa. Ɔsee, ɔbɛgye no Ɛsono aniwa ne gorɔ, Etwie mmɔwerɛ, Ahum ne ahahan hunu, Akua taa Ben sini, ne aberewa nkɔnkɔnene.

Ataa Kumaa na Ɔsee “Menya saa nneɛma wɔ he?”

Ataa Panin ka sɛ, “Memfa ho.”

Ataa Kumaa na Ɔsee “A! Mɛkɔ”

Enti, ɔkɔeɛ na aberewa maa no kawa bi.

Afei, afahyɛ bi baa so na Ataa Panin faa Ataa Kumaa kawa no na ɔkɔɔ afahyɛ na kawa no ate akɔ yera wɔ nsuo ase. Enti ɔgye no sɛ ɔbɛkɔ afa nea ɔpɛ sɛ ɔno nso kɔfa. Deɛ ɛdi kan no, ɔkɔɔ Etwie hɔ na Etwie ka sɛ “Aham ahahan hunu da wanim. Na ɔkɔeɛ ara kosi sɛ ɔduruu aberewa hɔ.

Ɔsan baa Etwie hɔ na Ataa Panin ka sɛ “Ma me bi na menkɔ!” Etwie sɔre kaa sɛ “haa! Wo ne m’anom na wode bɛdi agorɔ?” Na ɔbɔɔ no pasaa na ɔwee no.